Norvegııada aldaǵy 10 jylda janarmaımen júretin kólik satýǵa tyıym salmaq
ASTANA. QazAqparat - Norvegııada aldaǵy 10 jylda janar-jaǵarmaı jáne dızel otynymen júretin avtomobılderdi satýdy ýaqytsha toqtatady, dep jazady Independent basylymy. Olardy elektromobılder almastyrýy kerek.
Norvegııalyq Dagens Naeringsliv gazetindegi aqparatqa sáıkes, ishten janatyn qozǵaltqyshy bar avtomobılderdi paıdalanýǵa tyıym salý bastamasyn Framstegspartiet (Progress partııasy) partııasy kóterdi. Norvegııalyq bıýdjettiń basym bóligi janar-jaǵarmaı ónerkásibine táýeldi. Bastamany ózge partııalar quptasa, qujat kúshine enedi.
Norvegııadaǵy avtomobılderdiń 24% elektr qozǵaltqyshtary arqyly júredi.
Nıderlandy parlamentiniń tómengi palatasy zań jobasyn maquldady. Oǵan sáıkes, 2025 jyldan elde janar-jaǵarmaı jáne dızel otynymen júretin avtomobılderdi satýǵa tyıym salady.
