Norvegııada 800 jyldyq altyn saqına tabyldy

ASTANA. KAZINFORM — Norvegııanyń Tensberg qalasynda arheologter shamamen 800 jyl buryn jasalǵan biregeı altyn saqınany anyqtady, dep habarlaıdy AZERTADJ.

Artefaktty arheolog Lında Osheım jerdiń shamamen 7 santımetr tereńdiginen tapqan. Norvegııanyń mádenı muralardy zertteý ınstıtýtynda (NIKU) bul olja «adam armanyndaǵy tabys» dep atalyp otyr.

Saqına tabylǵan topyraq qabaty naqty merzimdelmegen. Alaıda arheologter saqınanyń dál ústinen shyrsha butaǵyn tapqan. Ol radıokómirtekti taldaý ádisimen zerttelip, 1167–1269 jyldar aralyǵyna jatatyny anyqtalǵan. Osyǵan baılanysty saqınanyń jasy odan da kóne bolýy múmkin, sebebi ol butaqtan tómen qabatta jatqan.

Saqına altynnan jasalǵan, ortasyna kók tústi sopaq tas ornatylǵan. Mamandardyń boljamynsha, bul tas sapfırge uqsatyp jasalǵan shyny bolýy múmkin. Áshekeı fılıgran jáne granýlıatsııa ádisterimen baı bezendirilgen.

Mamandardyń pikirinshe, saqına joǵary áleýmettik topqa jatatyn áıelge tıesili bolǵan. Mundaı oljalar óte sırek kezdesedi. Norvegııanyń ulttyq derekter bazasynda orta ǵasyrlarǵa jatatyn bar bolǵany 63 altyn saqına tirkelgen. Al Tensberg qalasynda mundaı áshekeı sońǵy 15 jylda alǵash ret tabylyp otyr.

Osydan buryn Norvegııada 15 qazaqstandyq jaýyngerdiń beıiti tabylǵanyn jazǵan edik.