Norvegııada 2017 jylǵy Nobel syılyǵy tapsyryldy
ASTANA. QazAqparat - Jeksenbi kúni Norvegııanyń Oslo qalasynda Nobel syılyǵyn tapsyrý saltanaty ótti. 2017 jylǵy álemdik syılyq ıAdrolyq qarýǵa tyıym salý jónindegi halyqaralyq kampanııanyń (International sampaign to abolish nuclear weapons, ICAN ) ókilderine tapsyryldy, dep habarlaıdy QazAqparat TASS agenttigine silteme jasap.
ICAN júzden astam eldegi úkimettik emes uıymdardyń basyn biriktiredi.
Qurmet gramotasy, nobeldik medal men 9 mln shvedtik kron (aǵymdaǵy baǵam boıynsha shamamen 1,1 mln dollar) somasyndaǵy chek ICAN-nyń atqarýshy dırektory, Shvetsııa azamatshasy Beatrıs Fınge, sondaı-aq 85 jastaǵy japondyq Setsýko Terloýǵa tabystaldy. Atap ótilgendeı, Setsýko Terloý jas kezinde Hırosımaǵa jasalǵan atomdyq bombalaýdy óz kózimen kórgen, keıin kóptegen jyldar boıy ıadrolyq qarýǵa tyıym salý jolynda kúresip keledi.
«ICAN-nyń basty úndeýi - ıadrolyq qarýdan bas tartpaıynsha - álemde qaýipsiz bolmaıdy. Muny ıadrolyq qarýdan týyndaıtyn qaýip-qater kúsheıe túskenin jiti sezinetin mıllıondaǵan adam túsinýde. Bul KHDR-daǵy ahýalǵa da baılanysty», - dep atap ótti Norvegııalyq Nobel komıtetiniń tóraǵasy Berıt Raıss-Andersen.
