Norvegııada 2 kórermenge arnalǵan álemdegi eń shaǵyn kınoteatr ashyldy
ASTANA. QazAqparat - Norvegııalyq Troms qalasynda álemdegi eń kishkentaı kınoteatr paıda boldy. Onyń zaly eki adamǵa arnalǵan. Ol burynǵy gazet dúńgirsheginiń ornyna salynǵan.
Ol Norvegııanyń XXVI halyqaralyq kınofestıvaliniń bastalýyna oraı salyndy. Apta ishinde kınoteatrda kúnine bir lenta kórýge bolady. Eki adamǵa bılet quny norvegııalyq 500 krondy quraıdy.
Uıymdastyrýshylardyń aıtýynsha, tehnıkalyq sıpattamasy qalyptydan esh kem emes. Kınony tájirıbeli kınomehanık kórsetedi.
Kınofestıval Norvegııada 1991 jyldan bastap júrgizilip keledi. Ol eldegi iri, Eýropadaǵy bedeldi sharalardyń biri. Onyń aýdıtorııasy 60 myń adamdy qamtıdy. 2016 jylǵy baǵdarlamada Eýropa, Amerıka, Azııa, Reseı rejısserleriniń 100-den astam kartınalary usynylady, dep habarlady Lenta.ru.
