Norvegııa jaǵalaýynda 1,3 myń adamy bar krýızdik keme apatqa ushyrady
NUR-ASTANA. QazAqparat - Norvegııanyń batys jaǵalaýynda apatqa ushyraǵan krýızdik kemeden 1 300 jolaýshy evakýatsııalaný kerek, dep habarlaıdy QazAqparat BBC agenttigine silteme jasap.
Jergiliktiń bıliktiń málimetinshe, «Vıkıng-Skaı» kemesiniń qozǵalytqyshy isten shyqqan. Ondaǵy adamdardyń bári jaǵalaýǵa jetkizilip jatyr. Evakýatsııalaýǵa bes tikushaq pen birneshe keme jumyldyryldy.
Norvegııanyń qutqarý agenttigi keme jergilikti ýaqytpen 14.00-de dabyl belgisin jibergenin habarlady. Bul ýaqytta teńizde qatty jel soǵyp, úlken tolqyndar bolǵan.
Laıner Tromseden Stavanger portyna reıspen bara jatqan. Bul mań Hýstadvıka dep atalady, bul - Norvegııanyń eń qaýipti jaǵalaýy sanalady.
Qazir naqtylanbaǵan málimetke sáıkes jaǵalaýǵa shamamen 100-ge jýyq adam ǵana jetkizilgen.
Keme jaǵalaýdan 5 shaqyrym jerde tur. Qutqarýshylardyń aıtýynsha, ol zákir tastaǵan, sondyqtan jaǵalaýǵa soǵylmaýy tıis. Sonymen qatar, bir qozǵaltqysh iske qosylyp qaýipti azdap seıiltken. Bortta zardap shekken eshkim joq.
Jergiliktiń bıliktiń málimetinshe, qazir jeldiń jyldamdyǵy sekýndyna 20 metr, al tolqyndardyń bıiktigi 10 metrge jetedi. Osynyń saldarynan jergilikti kemeler laınerge jaqyn kele almaı otyr. Evakýatsııa tek tikushaq kómegimen júrgizilýde.
Qutqarylǵandar jaǵalaýdaǵy sport keshenine jáne qonaq úılerge ornalastyrylyp jatyr.
Eske sala ketsek, muhıttyq synyptaǵy «Vıkıng-Skaı» krýızdik laıneri alǵash 2017 jyly júzýge attandy. Keme 930 jolaýshy alyp júre alady.
