Norvegııa shekarasynda shvetsııalyq ushaq apatqa ushyrady
ASTANA. QazAqparat - Shvetsııanyń West Atlantic kompanııasynyń poshtalyq ushaǵy Norvegııasy shekarasynda apatqa ushyraǵan. Ol Oslodan Tromseǵa bara jatqan edi. Ázirge eki ushqyshtyń taǵdyry belgisiz. Olardyń Norvegııa nemese Shvetsııanyń azamattary emes ekendigi anyqtaldy.
Bombardier CRJ 200 ushaǵy radarlardan jergilikti ýaqyt boıynsha saǵat 1-diń kezinde joǵalyp ketken, dep habarlaıdy reseılik TASS agenttigi. Sol ýaqytta ushaq norvegııalyq polıýs sheńberindegi Býde qalasynan 120 shaqyrym jerde ushyp bara jatqan.
Ushaq belgisiz sebeptermen kúrt quldyraǵan. Bir mınýtta ol 6,5 shaqyrym tómendegen. Budan keıin ushaq jerge qatty kelip soǵylǵan.
Apat orny anyqtaldy. Ushaq barar joly joq, taýly jerde jatyr. Qazirgi kezde ol jerdegi 30 gradýs aıaz bolyp tur.
Apat ornyna Shvetsııa Áýe kúshteriniń F-16 ushaǵy, sondaı-aq shvetsııalyq jáne norvegııalyq qutqarýshy tikushaqtar jiberildi. Biraq taýly jerge tikushaqtardyń qony qıynǵa soǵyp otyr.
