Norvegııa Olımpıada oıyndarynda medaldar sany boıynsha jańa rekord ornatty
PHENChHAN. QazAqparat - Ońtústik Koreıada ótip jatqan Olımpıada oıyndarynda Norvegııa quramasy medaldar sany boıynsha jańa rekord ornatty, dep habarlaıdy QazAqparat tilshisi.
Olar búgin medaldar sanyn 38-ge jetkizdi. Bul qysqy Olımpıada oıyndary tarıhyndaǵy jańa rekord. Osyǵan deıin AQSh quramasy 2010 jyly Vankýverde ótken Olımpıada oıyndarynda jalpy 37 medal jeńip alǵan bolatyn. Onyń 9-y altyn, 15-i kúmis, 13-i qola medal.
Alaıda, altyn medaldar sany jaǵynan jalpy esepte Kanada, Germanııadan keıingi úshinshi orynǵa ıe bolǵan edi. Mine, araǵa 8 jyl salyp, Norvegııa bul rekordty buzdy. Olar qazir Phenchhan Olımpıadasynda 13 altyn, 14 kúmis jáne 11 qola (38) medalmen kósh bastap keledi.
