Norvegııa muzdyǵy 8 jyldan keıin joǵalyp ketýi múmkin
ASTANA. KAZINFORM — Skandınavııa taýlarynyń eń bıik núktesi Gallhepıggen taýynda erip jatqan muzdyqty jasandy qar kómegimen saqtaý jobasy júzege asyrylýy múmkin.
Bul týraly Norvegııanyń NRK habar taratý korporatsııasy habarlady.
Bul bastamany Gallhepıggen jazǵy taý shańǵysy kýrortynyń menedjeri Per Arne Vole kóterdi. Onyń aıtýynsha, jyl saıyn shamamen 700 myń tekshe metr jasandy qar qosý muzdyq jaǵdaıyn turaqtandyrýǵa múmkindik beredi. Ol mólsheri 100-de 100 metrge jáne bıiktigi 70 metrge jetetin qar úıindisi qajet bolatynyn aıtty.
— Tek meniń jumysym kezinde bul bóliktegi muzdyq deńgeıi 17 metrge tómendedi. Eshqandaı shara qoldanylmasa, muzdyq segiz jyldan keıin tolyǵymen joıylyp ketýi múmkin, — dedi ol.
Boljam boıynsha, muzdyq jyl saıyn mıllıon tekshe metrge deıin qar joǵaltady.
Bul rette Dúnıejúzilik meteorologııalyq uıym (DMO) budan buryn 2024 jyl muzdyqtardyń erýi men teńiz deńgeıiniń kóterilýin jedeldetken temperatýra boıynsha rekordtyq jyl bolǵanyn habarlady.
Sondaı-aq, jylyný tsıkliniń ózgerýi, janartaý atqylaýy jáne atmosferany salqyndatatyn aerozol deńgeıiniń tómendeýi sııaqty faktorlar áser etýi múmkin.
Buǵan deıin Tramp ákimshiligi klımatty zertteýge bólinetin qarjy kólemin qysqartyp jatqany habarlanǵan bolatyn.