Norvegııa men Slovenııaǵa qarsy oınaıtyn Qazaqstan quramasynyń naqty tizimi jarııalandy
ASTANA. KAZINFORM — Qazaqstan ulttyq quramasynyń bas bapkeri Stanıslav Cherchesov qyrkúıek aıynda ótetin Norvegııa jáne Slovenııa quramalaryna qarsy matchtarǵa shaqyrylǵan oıynshylardyń naqty tizimin jarııalady.
Ulttyq olımpıadalyq komıtettiń málimetinshe, oǵan 28 fýtbolshy endi. Endi Qazaqstan ulttyq quramasy 1 qyrkúıek kúni Almatyda jınalyp, jattyǵý jumystaryn ótkizedi.
Aıta keteıik, qyrkúıekte Qazaqstan ulttyq quramasy ÝEFA Ulttar lıgasy aıasynda eki oıynǵa qatysady. Norvegııamen oıyn 6 qyrkúıek kúni 19:00-de Almatynyń Ortalyq stadıonynda ótse, Slovenııaǵa qarsy kezdesý 9 qyrkúıekte Lıýblıana qalasyndaǵy «Stojıtse» stadıonynda Astana ýaqytymen saǵat 23:45-ke josparlanǵan.
Qaqpashylar: Igor Shatskıı («Aqtóbe»), Aleksandr Zarýtskıı («Astana»), Stas Pokatılov («Tobyl»), Temirlan Anarbekov («Jeńis»); Qorǵaýshylar: Sergeı Malyı («Ordabasy»), Roman Asrankýlov, Erkin Tapalov (ekeýi de – «Tobyl»), Aleksandr Marochkın, ıAn Vorogovskıı, Marat Bystrov (barlyǵy – «Astana»), Mıhaıl Gabyshev («Elimaı»), Álibek Qasym («Aqtóbe»), Nuraly Álip («Zenıt», Reseı), Lev Skvortsov («Shınnık», Reseı), Talǵat Kýsıapov («KAMAZ», Reseı);
Jartylaı qorǵaýshylar: Ashat Taǵybergen, Baýyrjan Islamhan, Aıbol Ábiken (barlyǵy – «Ordabasy»), Ramazan Orazov («Sılkeborg», Danııa), Arman Keńesov («Aqtóbe»), Baqtıer Zaınýtdınov («Beshıktash», Túrkııa), Abzal Beısebekov, Elhan Astanov (ekeýi de – «Astana»), Islam Chesnokov («Tobol»);
Shabýylshylar: Abat Aıymbetov («Adana Demırspor», Túrkııa), Aıbar Jaqsylyqov («Qaısar»), Oralhan Ómirtaev (BATE, Belarýs), Ramazan Kárimov («Astana»);
Qosalqy quram: Sultanbek Astanov, Temirlan Erlanov (ekeýi de – «Ordabasy»), Andreı Ýlshın («Qaırat»), Maksım Samorodov («Ahmat», Reseı), Islambek Qýat («Astana»), Aleksandr Zýev («Tobyl»), Ashat Baltabekov («Jetisý»), Ular Jaqsybaev («Qyzyljar»);
Bapkerlik shtaby: Stanıslav Cherchesov – bas bapker, Vladımır Pannıkov – bas bapkerdiń kómekshisi, Paýlıno Granero – dene daıarlyǵy bapkeri, Gıntaras Staýche – qaqpashylar bapkeri, Elshad Hınızov – beınesarapshy.
