Norvegııa men Polsha baıqaýshylary elimizdegi daýys berý protsesine baǵa berdi

ASTANA. QazAqparat – Halyqaralyq baıqaýshylar Qazaqstandaǵy daýys berý protsesinde kemshilikter baıqamaǵanyn aıtty, dep habarlaıdy QazAqparat tilshisi.

Ońtústik Shyǵys Norvegııa ýnıversıtetiniń lektory, halyqaralyq baıqaýshy Glen Agýng Holeniń aıtýynsha, depýtattardy saılaý zań talaptaryna saı júrip jatyr.

«Astanadaǵy birneshe saılaý ýchaskesinde daýys berý qalaı júrip jatqanyn baıqap keldim. Osy oraıda saılaý protsesi durys júrip jatyr dep aıta alamyn. Bul ýchaskelerde basqa da halyqaralyq baıqaýshylar boldy», - dedi G. Hole elordadaǵy Halyqaralyq baıqaýshylarǵa qolǵabys kórsetý ortalyǵynda ótken brıfıngide.

Óz kezeginde Boıma atyndaǵy Azııa jáne jahandyq zertteýler ınstıtýtynyń ǵylymı keńesshisi (Polsha) Ejı Olendzkıı ádil saılaý protsesi kez kelgen memleket úshin mańyzdy ekenin aıta kele, Qazaqstandaǵy daýys berý protsesin halyqaralyq baıqaýshylar egjeı-tegjeıli qarap otyrǵanyn jetkizdi.

«Astanadaǵy úsh saılaý ýchaskesinde boldym. Olardaǵy daýys berý bekitilgen standartqa sáıkes júrýde. Sondyqtan biz eshqandaı kemshilikti baıqamadyq», - dedi E. Olendzkıı.

Budan buryn habarlanǵandaı, búgin Qazaqstanda Májilis pen máslıhat depýtattaryn saılaý bastaldy.