Norvegııa men Ispanııa Palestınany memleket retinde moıyndady
ASTANA. KAZINFORM – Norvegııanyń ótken aptada jarııalanǵan Palestınany moıyndaý týraly sheshimi kúshine endi. Ispanııa Shyǵys Ierýsalımdi Palestınanyń astanasy dep moıyndady. Irlandııa da Palestına memleketin moıyndaǵysy keledi, dep jazady DW.
Norvegııa men Ispanııa Palestınany táýelsiz memleket retinde moıyndady. Sheshim seısenbi, 28 mamyrda kúshine endi. Muny Oslodaǵy syrtqy ister mınıstrligi rastady. Eki kún buryn Norvegııanyń Syrtqy ister mınıstri Espen Bart Eıde rastaý qujatyn Brıýsseldegi kezdesýde Palestına ulttyq bıliginiń premer-mınıstri Muhammed Mustafaǵa tabys etti.
«Osy moıyndaý arqyly biz Oslo kelisimderi (Izraıl men Palestına arasyndaǵy) bastaǵan protseske jańa baǵdarlama engizemiz», – dedi Eıde.
Onyń pikirinshe, eger basqa elder Norvegııadan úlgi alsa, bul sheshim Taıaý Shyǵystaǵy janjaldy «beıbit jolmen sheshýge úlken serpin bere alady».
Madrıd Shyǵys Ierýsalımdi Palestınanyń astanasy dep tanydy
Ispanııa premer-mınıstri Pedro Sanches seısenbi, 28 mamyrda onyń eli 1967 jylǵy shekaraǵa negizdelgen táýelsiz Palestına memleketin jáne onyń astanasy retinde Shyǵys Ierýsalımdi moıyndaıtynyn málimdedi. Saıasatker muny tarıhı sheshim dep atap, onyń «eshkimge qarsy baǵyttalmaǵanyn» atap ótti.
Irlandııa da Palestınany moıyndaýǵa nıetti
Osydan birneshe kún buryn Norvegııa jáne Ispanııamen birge Irlandııa Palestınany moıyndaý nıetin jarııalady. Al 28 mamyrda Palestına táýelsiz memleketin moıyndaý týraly málimdeme jasaıdy dep josparlanǵan. Buǵan deıin Norvegııa premer-mınıstri Ionas Gar Stere Palestınany taný «ızraıldikter men palestınalyqtar úshin saıası sheshim usynatyn jalǵyz balama» dep atady.
«Palestına halqynyń óz taǵdyryn sheshýge quqyǵy bar. Al ızraıldikter de, palestınalyqtar da óz elderinde beıbit ómir súrýge quqyly», – dedi Ster.
Izraıl Oslo men Dýblın ustanymdaryna qarsy
Izraıl Palestınany moıyndaýǵa múldem qarsy. Jaqynda Izraıldiń BUU-daǵy turaqty ókili Gılad Erdan Palestına bıligi egemendi memleket bolý krıterıılerine saı emes dep málimdedi.
22 mamyrda Izraıl Syrtqy ister mınıstri Israel Kats óz eliniń Irlandııa men Norvegııadaǵy elshilerin shuǵyl keńesý úshin shaqyrdy.
«Men Irlandııa men Norvegııaǵa aıqyn jáne birjaqty sıgnal jiberemin: Izraıl onyń egemendigine nuqsan keltirip, onyń qaýipsizdigine nuqsan keltiretinderdiń aldynda únsiz qalmaıdy», – dedi ol.
Germanııa qazirgi ýaqytta Palestına memleketin moıyndaǵysy kelmeıtinin málimdedi. AQSh prezıdenti Djo Baıden de Palestınany birjaqty moıyndaýdan bas tartty.
Izraıl-Palestına qaqtyǵysy
7 qazan kúni tańerteń HAMAS-tyń áskerı qanaty Izraılge qaraı myńdaǵan zymyran atyldy, qarýly toptar Izraıl eldi mekenderine kirdi.
HAMAS bul operatsııanyń basyp alynǵan Shyǵys Ierýsalımdegi ál-Aqsa meshitin basyp alýyna jáne ızraıldik qonystanýshylardyń palestınalyqtarǵa qarsy zorlyq-zombylyqtyń kúsheıýine jaýap retinde jasalǵanyn aıtty. Buǵan jaýap retinde Izraıl áskerıleri Gaza sektoryndaǵy HAMAS-qa qarsy «Temir qylyshtar» operatsııasyn bastaǵanyn habarlady.
Izraıl-Palestına qaqtyǵysy bastalǵannan beri 36 myńǵa jýyq palestınalyq qaza tapty. Izraılde qurban bolǵandar sany 1400-den asty. Gaza sektorynyń 2,3 mıllıon turǵyny Izraıldiń jappaı áýeden bombalaýy men eksklavty tolyq qorshaýynyń saldarynan azyq-túlik, sý jáne dári-dármek tapshylyǵynan zardap shegip otyr.
