Norvegııa koronavırýspen kúreske daıyn
OSLO. QazAqparat – Norvegııanyń densaýlyq saqtaý organdary koronavırýspen kúreske tas-túıin daıyn otyr. Olar bul indet erte me, kesh pe, Norvegııaǵa da kelýi múmkin ekendigin aıtady.
Mundaı málimdeme Koroldiktiń Qoǵamdyq densaýlyq saqtaý ınstıtýtynda jasaldy, dep habarlaıdy QazAqparattyń menshikti tilshisi.
Instıtýt professory Preben Ovıtslandtyń aıtýynsha, álem jańa vırýspen qalaı kúresý kerektigin bilmeıdi. Al sozylmaly aýrýlary bar adamdardyń indetten mert bolý qaýpi deni saý adamdarǵa qaraǵanda óte joǵary. Soǵan qaramastan norvegııalyqtar indettiń qaýip týdyra qoımaıtynyna senimdi. Qazirgi ýaqytta Qytaıdan kelgen norvegter men Norvegııadaǵy qytaılyq týrıster, jalpy 75 adam vırýstyń bar-joǵyn anyqtaıtyn testten ótip, eshqaısysynan indet belgileri tabylmady. Sonymen birge, Norvegııa SІM qytaılyq Hýbeı provıntsııasyna jáne jalpy Qytaıǵa barýdan bas tarta turǵan durys dep esepteıdi.
Norvegııa bıligi azamattardyń Gonkong pen Makao, qytaılyq Taıbeıdiń arnaıy ákimshilik aýdandaryna barýyna qarsy emes.
