Norvegııa koroliniń densaýlyǵy kúrt nasharlady
ASTANA. KAZINFORM — Norvegııa koroli Harald V-niń densaýlyǵy demalys kúnderi kúrt nasharlaǵan, dep habarlaıdy NRK.
— Uly Mártebeli Koroldiń densaýlyǵy demalys kúnderi nasharlady. Qan quramynan bakterııalyq ınfektsııa anyqtalýyna baılanysty monarhqa bakterııaǵa qarsy em taǵaıyndaldy, — delingen habarlamada.
Sonymen qatar korol saraıy memleket basshysynyń jalpy jaǵdaıy turaqty ekenin jáne júrgizilip jatqan emniń oń nátıje berip jatqanyn atap ótti.
Qazirgi ýaqytta Harald V 89 jasta. Ol Eýropada bılik etip otyrǵan eń jasy úlken memleket basshysy. Korol 17 tamyzda juqpaly aýrýǵa jáne gemolıtıkalyq anemııadan týyndaǵan asqynýlarǵa baılanysty aýrýhanaǵa jatqyzylǵan.
Aıta keteıik, 90-ǵa taıaǵan norvegııalyq monarh buǵan deıin Ispanııanyń Tenerıfe aralynda ınfektsııa men sýsyzdaný saldarynan aýrýhanaǵa jatqyzyldy.
