Norvegııa koroli aýrýhanaǵa jatqyzyldy
ASTANA. QazAqparat - 80 jastaǵy Norvegııa koroli V Harald ınfektsııaǵa baılanysty aýrýhanaǵa jetkizildi. Bul týraly koroldik saraıynyń baspasóz qyzmeti málim etti, dep habarlaıdy reseılik TASS agenttigi.
«Joǵary mártebeli korol Oslodaǵy Koroldik aýrýhanasyna juma kúni jetkizildi. Onyń jaǵdaıy qanaǵattanarlyq, táýir bolyp keledi», - delingen habarlamada.
Saraıda koroldiń dúısenbi kúni ótetin sharalarǵa qatysa almaıtyndyǵyn atap ótti.
2003 jyly qaterli isik tabylǵandyqtan V Haraldtiń qýyǵyn tolyǵymen alyp tastaǵan. 2005 jyly onyń qolqasyna birneshe ota jasaldy. Soǵan qaramastan norvegııalyq monarh áli kúnge deıin salaýatty ómir saltyn ustanýdy jáne saıahattaýdy jalǵastyryp keledi.
2013 jyly patsha Amazonkanyń jynys ormandaryn zertteýge shyqqan ekspedıtsııaǵa qatysqan, eki jyldan keıin Antarktıdaǵa saıahattaǵan jalǵyz monarh boldy. Al 2017 jyldyń tamyz aıynda jelkendi qaıyq sporty blıynsha «Sırııa» koroldik jarys qaıyǵynyń tizginin ustap turyp álem chempıonatyna qatysqan bolatyn.
