Norvegııa koroli V Harald qaıtys boldy
ASTANA.KAZINFORM - Norvegııa koroli V Harald 89 jasynda qaıtys boldy, dep habarlaıdy BBC.
Koroldik baspasóz qyzmetiniń habarlaýynsha, monarh juma kúni tańǵy saǵat 6:35 shamasynda Oslo ýnıversıtetiniń aýrýhanasynda qaıtys boldy.
Ol eki apta buryn erıtrotsıtterdiń tez joıylýynan týyndaıtyn gemolıtıkalyq anemııamen «óte aýyr» jaǵdaıda aýrýhanaǵa jatqyzylǵan.
Korol sońǵy jyldary birneshe ret densaýlyǵyna baılanysty qıyndyqtarǵa tap boldy: 2003 jyly oǵan qýyq qaterli isigin alyp tastaý úshin ota jasaldy, al 2024 jyly oǵan kardıostımýlıator ornatyldy. Alaıda ol Norvegııa parlamentine ómir boıy adal bolýǵa ant bergenin aıtyp, bılikten ketpeıtinin málimdedi.
Harald XIV ǵasyrdan beri Norvegııada dúnıege kelgen alǵashqy norvegııalyq korol.
Ol sondaı-aq Eýropada eń uzaq qyzmet etken monarh jáne 1991 jyly taqqa otyrǵannan keıin búkil Norvegııa boıynsha keńinen tanyldy.
Buǵan deıin Norvegııa koroliniń densaýlyǵy kúrt nasharlaǵanyn jazǵan edik.
