Norvegııa Koroldigi eks-premeriniń Qazaqstanǵa sapary ótedi
A. Jeltoqsannyń 7-si. QazAqparat /Qanat Mámetqazyuly/ - Jeltoqsannyń 7-si men 8-i kúnderi Qazaqstanǵa Norvegııa Koroldiginiń eks-premeri, Beıbitshilik pen adam quqyqtaryn qorǵaý ortalyǵynyń prezıdenti K. Bondevıktiń resmı saparmen kelýi josparlanǵan.
Bul týraly búgin Syrtqy ister mınıstrliginde ótken brıfıng barysynda mınıstrliktiń resmı ókili Erjan Ashyqbaev aıtty, dep habarlaıdy QazAqparat.
«Sapar barysynda K. Bondevıktiń elimizdiń joǵary laýazymdy resmı tulǵalarymen kezdesýi josparlanyp otyr. Ondaı kezdesýler barysynda 2010 jylǵy Qazaqstannyń Eýropadaǵy qaýipsizdik pen yntymaqtastyq uıymyna tóraǵalyq etýine qatysty jáne yntymaqtastyqty damytýǵa baılanysty basqa da ózekti máseleler talqylanady dep kútilýde», dedi resmı ókil.
