Norvegııa Irak pen Iordanııadaǵy áskerlerin elge qaıtaryp jatyr

ASTANA. KAZINFORM — Taıaý Shyǵysta Iran men AQSh arasyndaǵy soǵys qaýpi kúsheıgendikten, Norvegııa óz áskerlerin osy aımaqtan shyǵarý sheshimin qabyldady, dep habarlaıdy AZERTADJ Ekstra Bladet basylymyna silteme jasap.

Norvegııa kenetten Irak pen Iordanııadan áskerlerin evakýatsııalaýǵa sheshim qabyldady, bul «aımaqtaǵy shıelenistikke» baılanysty desedi.

Norvegııa Qarýly kúshteriniń jedel shtabynyń málimeti boıynsha, eki elden shamamen 60 áskerı qyzmetker shyǵaryldy, olardyń keıbireýleri áli de qyzmetin jalǵastyryp jatyr.

— Olardyń keıbirin aımaqtaǵy shıelenistikke baılanysty basqa oryndarǵa aýystyrdyq, bul bizdiń seriktesterimizben úılestirilip jasaldy. Biz osy elderde jergilikti qaýipsizdik kúshterine qoldaý kórsetý úshin júrmiz. Aımaqtaǵy qaýipsizdik jaǵdaıy osy mıssııany kúrdelendirip otyr, — dedi Norvegııa Qarýly kúshteriniń ókili Brınıar Strodal.

VG basylymynyń málimeti boıynsha, AQSh ta Iranǵa jaqyn birneshe bazasyndaǵy áskerleri men personal sanyn azaıtty, sebebi kontrshabýyldan qaýiptenedi.

Budan buryn Iran BUU-ǵa AQSh tarapynan áskerı agressııa bolǵan jaǵdaıda «batyl» jaýap beretinin eskertti.