Norvegııa FM radıo taratýdan bas tartty
ASTANA. QazAqparat - Norvegııa tolyqtaı tsıfrlyq radıotaratýǵa kóshken álemdegi alǵashqy el atanady. Kelesi aptada onda FM radıostansalar jelisin óshiredi, dep habarlaıdy onliner.by.
Parlament sheshimin halyqtyń 17 paıyzy qoldasa, 66 paıyzy qarsy bolyp otyr, óıtkeni eldegi 2 mıllıon avtomobıl tsıfrlyq radıoqabyldaǵyshtarmen jabdyqtalmaǵan. Sonyń saldarynan tótenshe jaǵdaı týraly habardy keı adamdar estimeı qalýy múmkin eken.
Soǵan qaramastan Norvegııa úkimeti ótken ǵasyrdyń 50-shi jyldary iske qosylǵan eski formattan bas tartý jóninde sheshim qabyldap otyr. Tsıfrlyq stantsııalar kóptegen arnalardy tarata alady, ári olardyń aýdıosıgnaly artyq dybystarsyz jetkiziledi.
2020 jyldary FM taratýdy Shveıtsarııa tolyǵymen toqtatady; Danııa men Brıtanııa da osyndaı joldy tańdap otyr. Brıtandyq mamandardyń esebi boıynsha 2017 jyldyń sońyna qaraı eldegi radıo tyńdarmandarynyń teń jartysynan kóbi tsıfrlyq nusqaǵa kóshpek.
