Norvegııa: atys qurbandarynyń sany 91 adamǵa jetti
ASTANA. 23 shilde. QazAqparat - Norvegııadaǵy lańkestik árekettiń qurbandarynyń sany 91 adamǵa jetti, dep habarlady BBCRussian.com.
84 adam Oslo túbindegi jastar lagerine jasalǵan shabýyl kezinde qaza tapty, dep habarlady jergilikti polıtsııa.
Taǵy jeti adam, olardyń barlyǵy premer-mınıstr apparatynyń qyzmetkerleri, Oslodaǵy jarylys kezinde qaza tapty.
Polıtseılerdiń naqtylap otyrǵanyndaı, atys jasaǵan degen kúdikpen ustalǵan Anders Breıvık ońshyl kózqarasty ustanyp otyr.
Norvegııa Premer-mınıstri Iens Stoltenberg juma kúngi Norvegııadaǵy oqıǵalardy túngi qorqynyshty tús ári ulttyq qasiret dep atap otyr.
TV2 telearnasynyń habarlaýynsha, Norvegııadaǵy 22 shildedegi lańkestik áreketti «Ansar al-Djıhad al-Alamı» lańkestik toby óz moınyna alyp otyr. Onyń qatysýshylary ózderiniń beıneúndeýlerin You Tube portalynyń arnalarynyń birinde jarııa etipti. Olar batys elderin Aýǵanstanǵa kórsetken qysymy men Allahqa degen nemquraıdylyǵy úshin aıyptap otyr.
