Norvegııa 29 qańtardan bastap elge kirýge tyıym salady

HELЬSINKI. TASS – QazAqparat – Norvegııa úkimeti 29 qańtar, jumadan bastap shekarany jabý týraly sheshim qabyldady, elden tek asa mańyzdy sebeppen ǵana shyǵýǵa bolady. Bul týraly sársenbi kúni Norvegııanyń telegraf bıýrosy málimdedi, dep habarlaıdy QazAqparat TASS agenttigine silteme jasap.

«Tájirıbe júzinde shekara Norvegııada turmaıtyndardyń barlyǵyna jabyq bolady», - dep málimdedi eldiń premer-mınıstri Erna Sýlberg.

Onyń aıtýynsha, óte mańyzdy taýarlar men qyzmetter burynǵysha Norvegııaǵa jetkizilip otyrady, biraq jańa ereje boıynsha, «kóptegen eńbek mıgranttary kelesi aptada elge kele almaıdy». Bul ereje eki aptadan keıin qaıta qaralady.

Norvegııada koronavırýs juqtyrǵandar sany táýligine 279 adamǵa artyp, 61 594-ke jetti. Bul týraly sársenbi Norvegııanyń densaýlyq saqtaý ınstıtýty habarlady.

Pandemııa kezinde ınfektsııadan elde 550 naýqas qaıtys boldy. 3 mln-nan asa adam koronavırýstyń bar-joǵyn anyqtaıtyn test tapsyrdy. Juqtyrǵandardyń eń joǵary kórsetkishi 6 qańtar kúni tirkeldi – 930 naýqas.

Norvegııada ınfektsııaǵa shaldyqqandar alańsyz jazdan keıin 2020 jylǵy tamyzdyń sońynda kóbeıe bastady. Elde koronavırýs juqtyrǵan alǵashqy adam byltyrǵy jyldyń aqpan aıynyń sońynda tirkeldi.

25 qańtardan bastap Norvegııa elge kirýge qoıylatyn talaptardy kúsheıtti.

Endi elge kiretin adamdardyń barlyǵy saparynan kem degende 24 saǵat buryn tapsyrylǵan, koronavırýstyń joq ekenin dáleldeıtin taldaý nátıjesin kórsetýi qajet.

Eske sala ketsek, buǵan deıin Norvegııada koronavırýsqa qarsy alǵashqy vaktsına bıyl sáýirde qoldanylýy múmkin ekeni habarlanǵan bolatyn.