Norvegııa 19 qyrkúıekke deıin eldegi eresek adamdardy vaktsınalaýdy josparlap otyr
NUR-SULTAN. QazAqparat – Norvegııanyń jańarǵan vaktsınalaý kúntizbesine saı, Koroldiktiń qoǵamdyq densaýlyqty saqtaý ınstıtýty (FHI) osy jyldyń 19 qyrkúıegine deıin koronavırýsqa qarsy preparatpen elde turatyn 18 jastan joǵary barlyq sanattaǵy adamdarǵa tolyǵymen ekpe salýdy uıǵardy, dep habarlaıdy QazAqparat.
FHI baǵalaýy boıynsha, eldegi eresek adamdar 2021 jyldyń 26 shildesinen bastap 1 tamyzyna deıin 30 kúntizbelik apta ishinde koronavırýske qarsy vaktsınanyń birinshi dozasyn alady.
FHI kúntizbesi – vaktsınanyń birinshi dozasy men ekinshi dozasynyń arasyndaǵy 12 aptaǵa deıingi aralyqty qosatyn vaktsınalaýdyń josparlanǵan stsenarııi. Sonymen qatar FHI kúntizbeniń udaıy ózgerip otyratynyn atap ótti. Mysaly, 30 sáýirde norvegııalyqtardyń eresek bóligin vaktsınalaýdy 12 qyrkúıekke deıin aıaqtaý josparlanǵan bolatyn.
Kóktemniń aıaǵynda 5,46 mln norvegııalyqtyń 124 211-i (1 mln adamǵa 22 751 oqıǵa) koronavırýs juqtyrǵan. Olardyń 783-i (1 mln adamǵa 143 oqıǵa) qaıtys boldy, 18 naýqastyń jaǵdaıy aýyr. Koroldikte 2020 jyldyń 27 jeltoqsanynan bastap b1 631 293 ekpe aldy.
