Norveg qyzdary qazaqtyń saltanatty kıimderin kıip, sán kórsetti
OSLO. QazAqparat - Astananyń 20 jyldyq mereıtoıy aıasynda Osloda Qazaqstan Respýblıkasynyń Norvegııa Koroldigindegi Elshiliginiń uıymdastyrýymen «Sán men Sahna» halyqaralyq festıvali ótti, dep habarlaıdy «QazAqparat».
Sharada Qazaqstan elshisi Qaırat Ábýseıitov elordanyń tarıhyna toqtaldy.
«Ótken jıyrma jyl ishinde Astana Qazaqstan egemendiginiń sımvolyna aınaldy. Asa iri álemdik forýmdardyń ótýi Astanany halyqaralyq ortalyqtardyń birine aınaldyrdy», - dedi ol.
«Sán men Sahna» dırektory Haným Aıdash norvegııalyqtarǵa dızaınerler - Gúljan Nıetqabyl men Gaýhar Ámirovalardyń tańǵajaıyp kollektsııalaryn kórsetti.
«Astananyń mereıtoıy óte qyzyqty ári jańashyl formatta toılanyp jatyr. Osy arqyly Astana týraly mol derek jınaýmen qatar, dala mádenıeti týraly bilimimdi de tolyqtyra aldym», - deıdi Norvegııa Bilim berý jáne zertteýler mınıstrliginiń jetekshi keńesshisi Torlaýg Lýnd Aýkrýst.
Shoý aıasynda Astananyń zamanaýı kelbeti týraly syr shertetin fotokórme uıymdastyryldy.
