Norveg ǵalymdary sý túbinde júzetin jylan robot jasap shyqty

ASTANA. QazAqparat - Norvegııanyń Statoil pen Kongsberg Maritime kompanııalary sý astynda erkin júze alatyn robot jylandy synap jatyr.

Robot teńiz túbindegi qurylǵylardyń búlinýin anyqtap ony jóndeýge kómektesedi delinip otyr.

Ony jasaýǵa Norvegııa tehnologııalyq ýnıversıtetiniń ǵalymdary 10 jylyn sarp etken. Robot teńiz túbinde baqylaý júrgizýge ári qarapaıym jumystardy atqarýǵa arnalǵan. Aldaǵy ýaqytta teńizdegi munaı-gaz stansalaryna qymbat ári kúrdeli mashınalardyń qajeti bolmaıdy.

Robot jylan Loh-Ness qubyjyǵyna uqsaıdy, bolashaqta teńizde týrısterdiń záresin ushyrýy da múmkin.