Normatıvtik aktiler dástúrli qundylyqtardy qorǵaý baǵytynda jetildiriledi
ASTANA. KAZINFORM – Premer-mınıstr Oljas Bektenov Úkimet otyrysynda Ádilet mınıstrligine normatıvtik aktilerge dástúrli qundylyqtar turǵysynan egjeı-tegjeıli taldaý júrgizýdi tapsyrdy.
- Prezıdent dástúrli qundylyqtardy qorǵaý, neke jáne otbasy ınstıtýtyn nyǵaıtý, zııandy nárselerdi, ersi qylyqtardy nasıhattaýǵa tosqaýyl qoıý qajettigin atap ótti. Ádilet mınıstrligi men barlyq múddeli memlekettik organdar normatıvtik quqyqtyq aktilerge taldaý júrgizip, olardy jetildirý boıynsha usynystar engizýge tıis, - dedi ol.
Oljas Bektenov Almaty, Aqtóbe, Qyzylorda jáne Abaı oblystaryndaǵy teatrlar qurylysyna qarjy bólip, Almaty qalasyndaǵy teatrlardyń kúrdeli jóndeýin bıyl aıaqtaýdy tapsyrdy.
- Mádenıet mınıstrligi bıyl Qazaqstannyń birqatar nysanyn jáne Abaıdyń «Qara sózderin» ıÝNESKO tizimine engizý rásimin júrgizsin, - dedi Úkimet basshysy.
Keshe Memleket basshysy Qasym-Jomart Toqaev V Ulttyq quryltaıda Toqaev ıÝNESKO-nyń búkilálemdik muralar tiziminde bolýǵa laıyq jádigerlerdi ataǵan.