Normatıvtik tehnıkalyq ysyraptardy tómendetýdiń jıyntyq tıimdiligi 2,8 mlrd. teńgeni qurady -Úkimet saǵaty
ASTANA. Qarashanyń 2-si. QazAqparat /Qanat Mámetqazyuly/ - Daǵdarysqa qarsy sharalardy júzege asyrý maqsatynda qabyldanǵan zań nátıjesinde, elimizde normatıvtik tehnıkalyq ysyraptardy tómendetýdiń jıyntyq tıimdiligi 2,8 mlrd. teńgeni qurap otyr.
Búgin QR Parlamenti Májilisinde ótken Úkimet saǵatynda QR Tabıǵı monopolııalardy retteý agenttiginiń tóraǵasy Nurlan Aldabergenov osylaı málim etti, dep habarlaıdy QazAqparat.
«Bunyń ishinde sýmen jabdyqtaý salasyndaǵy tıimdilik kórsetkishi 1 mlrd. teńgege, elektr jáne jylý energetıkasy salasynda 1,8 mlrd. teńgege jýyq bolyp otyr. ıAǵnı, bunyń barlyǵy daǵdarys kezeńinde qabyldanǵan zańnyń normalaryn qoldaný nátıjesinde tutynýshylar tarapynan únemdelgen qarajat bolyp tabylady», dedi Nurlan Aldabergenov.
Onyń aıtýynsha, jyl basynan beri energııany únemdeý sharalary aıasynda jáne normatıvtik tehnıkalyq ysyraptardy bekitý boıynsha 3254 ótinim qaralǵan. Sonyń nátıjesinde 117 sýbektige tehnıkalyq shyǵyndar 1,1 paıyzdan 18,4 paıyzǵa deıin tómendetilip bekitilgen. 16 sýbektige shyǵyndar burynǵy deńgeıde bekitilse, jańadan qurylǵan 60 sýbekti boıynsha tıisti sheshim qabyldanǵan. Al 2 ótinim boıynsha qosymsha nysandardy alýyna baılanysty normatıvtik ysyrapty shyǵyndardy kóterý týraly sheshim qabyldanǵan.
