Normatıvtik-quqyqtyq aktilerdiń quqyqtyq monıtorıng jaǵdaıy talqylandy
ASTANA. 10 qarasha. QazAqparat - Búgin Ádilet vıtse-mınıstri D. Qusdáýletovtiń tóraǵalyǵymen QR Ádilet mınıstrligi janyndaǵy Memlekettik organdardyń zań qyzmetterin úılestirý keńesiniń 3-shi otyrysy ótti,
dep habarlady atalǵan vedomstvonyń baspasóz qyzmetinen.
«Aǵymdaǵy jyly Ádilet mınıstrligi memlekettik organdarmen qabyldanǵan zańdarǵa monıtorıng júrgizýdiń zańnamalyq tártibin bekitý boıynsha jumystar júrgizdi. Osyǵan baılanysty, keńes otyrysynyń maqsaty barlyq deńgeıdegi normatıvtik-quqyqtyq aktilerge jasalatyn quqyqtyq monıtorıngilerdiń qazirgi jaǵdaıy men damý keleshegin talqylaý boldy», - delingen habarlamada.
Vedomstvonyń atap ótýinshe, jıynda respýblıka Úkimetiniń normatıvtik qaýlylaryna quqyqtyq monıtorıng júrgizýdiń ózekti máseleleri, qabyldanǵan zańdarǵa júrgiziletin quqyqtyq monıtorıngti uıymdastyrý syndy máseleler talqylanǵan.
Іs-shara qorytyndysynda memlekettik organdardyń aldyna turaqty túrde normatıvtik-quqyqtyq aktilerge monıtorıng júrgizý boıynsha aıqyn mindetter belgilegen qorytyndy hattamaǵa qol qoıyldy.
Keńes otyrysyna QR Parlamentiniń depýtattary, memlekettik organdardyń zań qyzmetterin úılestirý keńesiniń jáne QR Úkimeti janyndaǵy Zań jobalaý qyzmeti máseleleri jónindegi vedomstvoaralyq komıssııanyń músheleri qatysty.
