Normatıvtik-quqyqtyq aktilerdi tirkeý ortalyqtandyrylady
«Zańdylyq rejımin qamtamasyz etý normatıvtik-quqyqtyq aktiler (NQA) jobalaryna zań saraptamasyn jáne NQA jobalaryna ǵylymı lıngvıstıkalyq saraptama júrgizý arqyly júzege asyrylady. Osylaısha, 2020 jyly Ádilet mınıstrligi 37 672 quqyqtyq aktilerdiń jobalaryna saraptama júrgizdi, onyń ishinde: 109 zań jobasy; Prezıdent Jarlyqtarynyń 100 jobasy; Prezıdent ókiminiń 3 jobasy; Úkimet qaýlylarynyń 1 130 jobasy; Premer-Mınıstr ókimderiniń 174 jobasy; ortalyq jáne jergilikti memlekettik basqarý organdarynyń 36 156 normatıvtik quqyqtyq aktileri. Onyń ishinde 12 895-si tirkeldi. 94-i qaıtaryldy nemese tirkeýden bas tartyldy», - dedi ol mınıstrliktiń keńeıtilgen alqa otyrysynda.
Onyń aıtýynsha, vedomstvolyq normashyǵarmashylyq máselesi boıynsha servıstik modeldi engizý ázirleýshi organdarǵa normatıvtik quqyqtyq aktilerdiń jobalaryn kelisý satysynda ádilet organdarynyń eskertýlerin joıýǵa múmkindik berdi. Máselen, sońǵy eki jylda tirkeýden bas tartýdyń tómendeýi baıqaldy. Sondaı-aq qaıta qaraý nátıjesi, olardyń sany tirkeýge usynylǵan jobalardyń bir paıyzynan aspady.
«Alaıda ádilet organdarynyń maquldaý satysyndaǵy eskertýleri sapasyz pysyqtalǵandyqtan, ár joba ortasha eseppen 3 ret qaıta qaraýǵa qaıtaryldy. Buǵan tirkelgen 12 895 akti kýá bola alady. Óıtkeni kelisýge 36 156 NQA jobalary usynylǵan. Memlekettik jáne orys tilderindegi jobalardyń sáıkestigine ǵylymı lıngvıstıkalyq saraptama 160 jobaǵa qatysty júrgizildi. Onyń ishinde: zań jobalary boıynsha - 113, halyqaralyq sharttardyń jobalary boıynsha - 47. 2019 jylmen salystyrǵanda 2020 jyly Prezıdent, Úkimet jáne Premer-Mınıstr aktileri jobalarynyń sany 1,1, qaıta qaraýǵa qaıtarylǵandary 2 paıyzǵa azaıdy», - dedi Natalıa Pan.
Onyń atap ótýinshe, pysyqtaýǵa qaıtarylýdyń tómendeýi mınıstrliktiń memlekettik organdardyń zań qyzmetterimen memlekettik organdar jibergen qatelikterdi taldaý jáne olardy túzetý qajettiligi turǵysynan júrgizetin jumystarymen baılanysty. Sonymen qatar, 2020 jyly memlekettik organdar tótenshe jaǵdaıdy sheshýge baǵyttalǵan 100-ge jýyq normatıvtik quqyqtyq aktilerdiń jobalaryn ázirlegen.
«NQA-ny elektrondyq tirkeýge tolyq kóshýdi qamtamasyz etýdi eskere otyryp, vedomstvolyq normashyǵarýdy odan ári jetildirý úshin mınıstrlik jergilikti memlekettik organdardyń NQA tirkeý rásimin ortalyqtandyrylǵan formatqa kóshirý josparlaýda. Pılottyq jobanyń qorytyndylary usynylǵan tetikti iske asyrý múmkindigin kórsetti. Jańa mehanızmdi engizý osy jylǵy 1-shi toqsanǵa josparlanýda», - dedi vıtse-mınıstr.
