Normashyǵarmashylyqty jetildiretin zań qoǵamnyń zań shyǵarý protsesine belsendi qatysýyn qamtamasyz etedi – Áshimbaev
NUR-SULTAN. QazAqparat – Normashyǵarmashylyqty jetildiretin zań qoǵamnyń zań shyǵarý protsesine belsendi qatysýyn qamtamasyz etedi. Mundaı pikirdi QR Parlamenti Senatynyń tóraǵasy Máýlen Áshimbaev aıtty, dep habarlaıdy QazAqparat tilshisi.
«Memleket basshysynyń saılaý aldyndaǵy baǵdarlamasynda normatıvtik quqyqtyq aktilerdi ázirleý, qoǵamdyq talqylaý jáne qabyldaý rásimderin jetildirý mindeti belgilengen bolatyn. Bul zań sol mindetti oryndaý maqsatymen qabyldanyp otyr. Osy qujat qoǵamnyń zań shyǵarý protsesine belsendi qatysýyn qamtamasyz etý úshin qosymsha quqyqtyq negizder qalyptastyrady. Sondaı-aq, ázirlenetin zańdardyń sapasyn arttyrýǵa, olar boıynsha júıeli túsindirý jumystaryn júrgizýge jáne qabyldanǵan zańdardyń oryndalýyn baqylaýǵa arnalǵan tetikter anyqtalady», - dedi Máýlen Áshimbaev Senattyń jalpy otyrysynda «Qazaqstan Respýblıkasynyń keıbir zańnamalyq aktilerine normashyǵarmashylyqty jetildirý máseleleri boıynsha ózgerister men tolyqtyrýlar engizý týraly» zań qabyldanǵannan keıin.
Onyń atap ótýinshe, atalǵan zań aıasyndaǵy ózgerister zań shyǵarý protsesin jańa deńgeıge kóterip, onyń ashyqtyǵyn jáne tıimdiligin arttyrýǵa óz úlesin qosady.
