Normandııada muraǵa qaldyrylǵan úıden 100 keli altyn tabyldy
BRıÝSSELЬ. QazAqparat - Normandııa turǵyny ózine muraǵa qaldyrylǵan úıden quny 3,5 mln eýro bolatyn 100 keli altyn taýyp aldy, dep habarlaıdy QazAqparattyń Brıýsseldegi tilshisi frantsııalyq BAQ ókilderine silteme jasap.
Málim bolǵanyndaı, altyn jıhazdardyń astyna, zattardyń ishine, ish kıimderdiń arasyna, vanna bólmesinde, sondaı-aq vıskı sýsynynyń shólmekterine jáne ózge de kóptegen qupııa jerlerge jaqsylap jasyrylǵan.
Barlyǵy 5 myń altyn shaqa tabylǵan. Sondaı-aq salmaǵy 12 keli bolatyn eki quıma men 7 kelilik altynnyń bólikteri bar. Osy oqıǵaǵa baılanysty aqparattarda úı ıesiniń altyndy zańdy túrde 1950-1960 jyldary satyp alyp, saqtap kelgendigi aıtylady. Onyń tipti arnaıy sertıfıkattary da bar kórinedi.
