Normandııa turǵyny lotoreıadan rekordtyq 162 mln eýro utyp aldy
ASTANA. 14 qyrkúıek. QazAqparat - Frantsııada lotoreıa utysy boıynsha jańa rekord ornatyldy. France Info-nyń habarlaýynsha, Tómengi Normandııadaǵy Kalvados departamentiniń turǵyny 162 mln. 256 myń 622 eýro utysyna ıe boldy.
40 mln.-ǵa tarta adam qatysqan EuroMillions lotoreıasy utysynyń jeńimpazy ázirge utys alýǵa ótinish bildirmegen, dep habarlaıdy Lenta.rý.
Frantsýzǵa 9, 28, 30, 32, 49 sandarynyń jıyntyǵy men sátti nómir dep atalatyn 9 jáne 10 sandary shynymen sáttilik ákelgen, dep habarlaıdy Metro. Djekpotty alý úshin mıllıonerlerdiń qataryn tolyqtyrǵan azamat 116 mln.-nyń ishinen bir múmkindikke ıe bolǵan. Endi frantsýz 60 kúnniń ishinde óz utysyn alyp ketýi kerek.
