Norman Atlantic paromynda mert bolǵandardyń sany 11 adamǵa deıin ósti
ASTANA. QazAqparat - Qutqarýshylar Ion teńizinde Norman Atlantic paromyndaǵy órt kezinde kóz jumǵan 11-shi adamnyń denesin taptvy, dep habarlady RIA Novostı Italııanyń jaǵalaýlyq kúzetine silteme jasap.
«Ólgen adamdardyń sany 11-ge deıin jetti», delingen jaǵalaýlyq kúzettiń Tvıtterdegi resmı paraqshasynda.
Budan buryn on adamnyń qazaǵa ushyraǵany habarlanǵan bolatyn, onyń ishinde bir grek jáne úsh ıtalıandyq boldy.
Igýmenıtsa aılaǵynan shyqqan paromdaǵy órt jeksenbi kúni tańerteń garajdyq bólikte bastaldy. Aldyn ala málimetterge qaraǵanda, bortta 478 adam - jolaýshylar men ekıpaj músheleri bolǵan. Qutqarý operatsııasy bir táýlikten astam ýaqytqa sozyldy. Grekııa jaǵalaýlyq kúzetiniń málimetteri boıynsha, 432 adam qutqarylǵan, ıtalıandyq tarap 427 adamnyń qutqarylǵanyn tilge tıek etedi.
Prokýror Djýzeppe Volpeniń habarlaýynsha, órtengen paromdy ıtalıandyq Brındızı aılaǵyna súırep jetkizý týraly sheshim qabyldandy.
