Norımasa Shımomýra QR Prezıdentiniń BUU Bas assambleıasynda sóılegen sózine baǵa berdi

NUR-SULTAN. QazAqparat - BUU-nyń Qazaqstandaǵy turaqty úılestirýshisi, Damý baǵdarlamasynyń turaqty ókili Norımasa Shımomýra Qazaqstan Prezıdenti Qasym-Jomart Toqaevtyń Nıý-Iorkte, BUU Bas assambleıasynda sóılegen sózine baǵa berdi, dep habarlaıdy QazAqparat tilshisi.

«Toqaev myrzanyń BUU alańynda sóz sóıleýin kórgenimizge qýanyshty boldyq. Ol ınstıtýttyq sáýlet qazirgi ýaqytta Qazaqstandaǵy Turaqty damý maqsattaryn engizý úshin qolǵa alynǵandyǵyn atap ótti. Sizderdiń elderińiz 2019 jyldyń sáýirinde Turaqty damý maqsattary boıynsha alǵashqy forýmdy ótkizgen edi. Qazaqstan osy jyldyń shilde aıynda BUU-da Turaqty damý maqsattary boıynsha sholýyn usyndy. Turaqty damý maqsattary eldiń saıasatyna sáıkes aıada júrgizilip jatyr. Qasym-Jomart Toqaev osy baǵytta tıimdi qarjyldandyrý jáne Islam azyq-túlik qaýipsizdik qyzmetin ilgeriletý mańyzdylyǵyn atap ótti», - dedi ol Ortalyq kommýnıkatsııalar qyzmetindegi brıfıngte.

Osy rette BUU ókili QR Prezıdentiniń Qazaqstanda Turaqty damý maqsattary jónindegi BUU-nyń óńiraralyq ortalyǵyn qurýdy usynǵandyǵyn atap ótti. Atalǵan ortalyqtyń búkil Ortalyq Azııa elderi men Aýǵanstandy qamtıtyndyǵyn aıtty.

«Prezıdent Toqaev sonymen qatar, janjaldar, senimniń joqtyǵy, áleýmettik máselelerdiń arasyndaǵy ara jiktiń ajyraýy - munyń barlyǵy Ortalyq Azııa elderiniń tynys-tirshiligi úshin aıtarlyqtaı syn-tegeýirin ekendigin atap ótti. Qazaqstannyń bul baǵyttaǵy óz jalǵasyn taýyp jatqan kúsh-jigerine nazar aýartty», - dedi Norımasa Shımomýra.