Norılskidegi jylý-elektr stansasynda jarylys boldy: qurban bolǵandar bar
ASTANA. Tamyzdyń 13-i. QazAqparat - Búgin tańerteń Reseıdiń Norılsk qalasynda 2-Jylý-elektr stansasynda jarylys boldy, dep habarlaıdy RBK.
Jarylysqa stansa aýmaǵynda sýteginiń tógilýi sebep bolǵan, degen dolbar bar. Sońǵy aqparattar boıynsha bir adam - elektr montajshy - qaza bolǵan. Biraq ta, qurban bolǵandardyń sany kóbeıýi múmkin, deıdi derek kóz.
Jarylystyń ekpininen 5 qabatty ákimshilik ǵımarat qırap otyr. Úıindilerdiń astynda adamdar bolýy múmkin.
Jylý-elektr stansasynyń jumysy ýaqytsha toqtatylyp, turǵyn úı oramdary ystyq sýsyz qaldy. Oqıǵa ornynda apat saldaryn joıý jónindegi shtab quryldy, tótenshe jaǵdaılar vedomstvosynyń mamandary jumys istep jatyr.
