Norılskide áınegi jarylǵan ushaq jerge qondy
ASTANA. Qyrkúıektiń 13-i. QazAqparat - Norılskide áýege kóterilgennen soń aldyńǵy tereze áınegi jarylyp ketken «Taımyr» áýekompanııasynyń Boeing-737-800 ushaǵy apatsyz qaıtadan áýejaıǵa qondy, dep habarlaıdy RBK.
Batys Sibir kólik prokýratýrasy habarlaǵandaı, synyqty baıqaǵan sátte áýe kemesiniń komandıri ózderi ushyp shyqqan Norılsk áýejaıyna qaıta qonýǵa sheshim qabyldaǵan. Norılsk - Sankt-Peterbor baǵyty boıynsha qatynaıtyn ushaq bortynda 38 jolaýshy, 65 kılá zattar men 590 kılá júk bolǵan. Oqıǵa saldarynan zardap shekkender bolǵan joq.
Atalǵan fakti boıynsha Dýdınsk kólik prokýratýrasy Ushý qaýipsizdigi men avıa qaýipsizdigi týraly RF zańdylyǵyn oryndaý maqsatynda tekserý sharalaryn bastady.
