Nora Djerýto jeńil atletıkadan álem chempıonatynda úzdik ondyqqa endi

ASTANA. KAZINFORM – Jeńil atletıkadan Qazaqstan quramasynyń ókili Nora Djerýto Japonııanyń Tokıo qalasynda ótip jatqan álem chempıonatynyń fınalynda baq synady.

QR UOK málimetinshe, sportshy 3000 metr qashyqtyqqa tosqaýyldar arqyly júgirýden sheshýshi kezeńge joldama alǵan bolatyn.

Fınaldyq saıysta Djerýto aldyńǵy topta kele jatty. Sońǵy aınalymda qola júlde úshin talasty.

Alaıda sońǵy tosqaýyldardyń birinde súrinip, qulap qaldy. Nátıjesinde altynshy bolyp máre syzyǵyn kesti - 9:06.34.

Kenııalyq Feıt Cherotıch jeńiske jetti - 8:51.59. Bahreın atynan synǵa túsken Vınfred ıAvı ekinshi orynǵa taban tiredi - 8:56.46. Úzdik úshtikti efıopııalyq Sembo Almaıý túıindedi - 8:58.86.

Aıta keteıik, mánerlep syrǵanaýdan Olımpıadaǵa irikteý týrnırine elimizden kimder qatysatyny belgili boldy.