NOOC qory 100 mln tonnadan asatyn iri munaı ken ornyn anyqtady
ASTANA. KAZINFORM — Qytaı ulttyq teńiz munaı korporatsııasy CNOOC dúısenbi kúni Ońtústik Qytaı teńiziniń shyǵys bóliginde 100 mln tonnadan astam dáleldengen geologııalyq qory bar iri munaı ken ornynyń ashylǵanyn jarııalady, dep habarlaıdy Sınhýa.
CNOOC málimetinshe, jaqynda Qytaıda «Hýeıchjoý 19-6» dep atalatyn jańa munaı ken orny ashyldy. Bul — tereń jáne asa tereń qabattarda ornalasqan synyq jynystary bar Qytaı qaırańyndaǵy birinshi aýqymdy ken orny.
Ken orny Qytaıdyń ońtústigindegi Shenchjen qalasynan shamamen 170 km jerde, 100 metr tereńdikte ornalasqan. Synaq burǵylaý kezinde táýligine 413 barrel munaı men 68 myń tekshe metr gaz óndirildi, bul onyń áleýetin rastap otyr.
Teńiz qaırańyndaǵy osyndaı tereń qabattarda munaı men gazdy barlaý kezinde joǵary qysym men temperatýra, sondaı-aq taý jynystarynyń tómen ótkizgishtigi sııaqty qıyndyqtar týyndaıdy, bul úlken ken oryndaryn anyqtaýdy qıyndatady. Olaı bolǵanymen, álemdik munaı men gaz qorynyń kópshiligi osy tereń qabattarda ornalasqan jáne olardy barlaý keleshekte óndiristiń aıtarlyqtaı ósýin kúttirip otyr.
Qytaılyq CNOOC munaı kompanııasy atap ótkendeı, sońǵy jyldary Ońtústik Qytaı teńiziniń shyǵysynda birneshe iri ashylý jasaldy, bul aımaqtaǵy munaı men gaz qorynyń odan ári ósýine múmkindik beredi.
Buǵan deıin brıtanııalyq munaı kompanııasy Qazaqstanǵa qarsy aryz-talap túsirgenin jazǵan edik.