Nómir taqpaıtyn júrgizýshilerge qarsy reıd júrýde
ALMATY. QazAqparat - Almaty polıtsııasy memlekettik nómirsiz júretin júrgizýshilerge qarsy reıd ótkizýde, dep habarlaıdy QazAqparat tilshisi.
Atap aıtqanda, kólikti nómirsiz basqarǵan - 11 júrgizýshi, nómiri anyq kórinbeıtin - 10 jáne jalǵan nómirlermen júrgen 8 júrgizýshi anyqtaldy. Olardyń barlyǵy ákimshilik jaýapkershilikke tartyldy.
«Munyń aldynda habarlaǵanymyzdaı, nómirsiz júrý júrgizýshilerdiń joldaǵy tártibiniń nasharlyǵyn kórsetedi. Kóbinese olar arnaıy baqylaý kameralaryna tússem, aıyppulǵa ilinbeı qalam degen oımen nomersiz júredi. Shyndyǵyna kelgende, bulaı oılaıtyndar úshin ákimshilik jaza bar», - dedi ІІD ókili Jandos Muratalıev.
Sonymen qatar, polıtsııa qyzmetkerleri ótken demalysta terezesin kólegeılep alǵan 15 júrgizýshini anyqtaǵan.
«Zań buzýshylarǵa qatysty QR Ákimshilik kodeksiniń 590-baby 5-bóligimen ákimshilik hattamalar toltyryldy», - dedi Jandos Muratalıev.
