«Nomadtyń» shaıbaly hokkeıden Qurlyq kýbogy fınalyndaǵy qarsylastary anyqtaldy

Qazaqstandyq «Nomad» komandasynyń Qurlyqtyq kýboktyń fınalyndaǵy qarsylastary anyqtaldy, dep habarlaıdy Kazinform.

Jarystyń fınaldyq satysynda elordalyq komanda «Kardıff Devılz» (Ýels), «Katovıtse» (Polsha) men «Hernıng Blıý Foks» (Danıı) klýbtarymen oınaıdy.

Aıta ketsek, budan buryn qazaqstandyq komanda E toynda Latvııanyń «Zemgalesin» 4:1, Ýelstiń «Kardıff Devılzin» 5:4, Frantsııanyń «Grenoblin» 2:0 esebimen jeńip, óz tobynda birinshi oryn aldy.

Jarystyń fınaldyq satysy 2024 jyldyń 12-14 qańtar aralyǵynda ótkiziledi.

Qurlyqtyq kýbok Halyqaralyq shaıbaly hokkeı federatsııasy aıasynda 1997 jyldan beri turaqty túrde ótkizilip keledi.

Qazirge deıin elimizdiń atynan qatysqan Kókshetaýdyń «Arlan» komandasy 2018/2019 jylǵy týrnırde bas júldeni jeńip aldy.

Ártúrli jyldarda «Beıbarys» (Atyraý), «Saryarqa» (Qaraǵandy), «Nomad» (Astana) ekinshi orynǵa jaıǵassa, «Qaztsınk-Torpedo» (Óskemen) qola júldeger atanǵan edi.