«Nomad» sapynda Kontınentaldy kýbok oıyndaryna kimder qatysady
ASTANA. INFORMSPORTS - Astanalyq «Nomad» komandasynyń shaıbaly hokkeıden 2026 jylǵy Kontınentaldy kýboktyń ekinshi kezeńindegi oıyndarǵa quramyn jarııalady.
Qazaqstandyq komanda bul kezeńde D tobynda synǵa túsedi. Qarsylastary - «Herlev Iglz» (Danııa), «Korona Brashov» (Rýmynııa) jáne «Azıago» (Italııa).
Bul kezeńdegi oıyndar Italııanyń Azıago qalasynda 13-15 qarasha aralyǵynda ótkiziledi.
«Nomadtyń» oıyn kestesi (Qazaqstan ýaqytymen):
14 qarasha. 00:00. «Azıago» - «Nomad»;
14 qarasha. 20:30. «Nomad» - «Korona Brashov»;
15 qarasha. 20:30. «Nomad» - «Herlev Iglz».
«Nomad» komandasynyń quramy
Qaqpashylar: Vladıslav Nýrek, Artem Shestakov, Djohar Dýdarkıev.
Qorǵaýshylar: Artem Korolev, Rýslan Túsipbekov, Kırıll Nıkıtın, Aleksandr Makarov, Haqnazar Keńesbaı, Abylaıhan Súleımenov, Mádı Dıqanbek.
Shabýylshylar: Artýr Gross, Oleg Boıko, Nıkıta Sıtnıkov, Ádil Beısembaev, Nıkolaı Shýlga, Batyrlan Muratov, Nıkıta Merzlıkın, Abaı Mańǵysbaev, Aleksandr Mıgýnov, Danııl Tsybın, Asanalı Rýslanuly, Kırıll Panıýkov, Temirlan Kıtarov.
Aıta ketsek, bıyl qańtar aıynda Ulybrıtanııanyń Nottıngem qalasynda ótken shaıbaly hokkeıden Kontınentaldy kýbok oıyndaryna qazaqstandyq «Torpedo» (Óskemen) qatysty.
Týrnırdiń sheshýshi kezeńinde óskemendik komanda joǵary deńgeıdegi oıyn órnegin kórsetip, naǵyz minez tanyta bildi. «Torpedo» Danııanyń «Hernıng Blıý Foks» klýbyn 6:2 esebimen senimdi túrde jeńse, Frantsııanyń «Dıýk D’Anje» komandasymen ótken tartysty oıynda overtaımda ǵana 2:3 esebimen ese jiberdi.
Al altyn júlde úshin ótken kezdesýde qazaqstandyq klýb alań ıeleri - «Nottıngem Panterz» komandasymen sheberlik baıqasty. Týrnır qorytyndysy boıynsha «Torpedo» júldeli ekinshi oryndy ıelendi.
Aıta ketsek, Qazaqstan hokkeıden qatarynan úshinshi ret Azııa chempıony atandy.