Nomad MMA federatsııasy 2017 jyldy balalar sportyn damytý jyly dep atady
ASTANA. QazAqparat - 8 aqpan kúni Nomad MMA respýblıkalyq federatsııasynyń prezıdenti Gadjı Gadjıevtiń jetekshiligimen halyqaralyq konferentsııa ótti, onda 2016 jyly jasalǵan jumystar qorytyndylandy.
Qazaqstannyń, Reseıdiń jáne Ózbekstannyń sporttyq tóreshileri qatysqan konferentsııa tóreshiler men bapkerler quramynyń jumysyn jetildirý jónindegi bes kúndik semınar aıasynda ótti.
Federatsııa prezıdenti tóreshiler alqasy men bapkerlerdiń Nomad MMA damýyna qosqan úlesin joǵary baǵalady jáne Qazaqstanda sporttyń bul túrine qyzyǵýshylyq artqanyn atap ótti.
«Búginde Nomad MMA elimizdegi eń tanymal sport túrine aınaldy. Endi onyń damýy úshin aıanbaı kúsh salýymyz kerek», - dedi G. Gadjıev.
Onyń aıtýynsha, «Aıqas júrgizýdegi tájirıbemen, bilimmen, kásibı qabilettermen, rýhanı qundylyqtarmen bólisý federatsııanyń, uıymnyń tipti ár sportshynyń tabysty damýynyń negizgi alǵysharty bolyp tabylady».
Federatsııa prezıdenti 2017 jyldy Balalar sportyn damytý jyly dep ataýdy usyndy.
«Bıyl qazan aıynda Qazaqstanda «Altyn bala» - Nomad MMA boıynsha balalar men ıýnıorlar arasynda álem chempıonaty ótedi», - dep habarlady Nomad MMA ulttyq jekpe-jek óneri zamanaýı stıliniń negizin qalaýshy Sergeı An.
Sonymen birge, Sergeı An jyldar boıy balalar jáne jasóspirimdermen jumys júrgizip kele jatqan qoǵamdyq birlestikti kásibı jekpe-jekshimen jáne promoýterlik qyzmetpen aınalysatyn MMA-men úndes uıymdarmen eshqashan salystyrmaý kerektigin aıtty. Áýesqoı sportta adam faktory birinshi orynda.
Osyǵan oraı, federatsııa tárbıelenýshilerdiń moraldyq, psıhologııalyq, fızıkalyq jáne tehnıkalyq-taktıkalyq damýyna kóp kóńil bóledi. Qorǵanys kıimin qoldaný arqyly qatysatyn oqytý jáne jarystyq jekpe-jektiń qaǵıdalary arqyly jaraqat alý faktory azaıdy, dep habarlady Búkilálemdik Nomad MMA Federatsııasynyń baspasóz qyzmeti.
Nomad MMA - bul ejelgi qazaq jaýyngerleriniń dástúri men zamanaýı álemniń qalpyn jáne rýhanı-mádenı qundylyqtar júıesin biriktiretin sportshyny jan-jaqty damytý ádistemesi, ol jany men táni saý, óz eliniń shyn patrıottaryn tárbıelep shyǵarýǵa múmkindik beredi.
Nomad MMA federatsııasynyń tárbıelenýshileri QR Qarýly kúshteriniń túrli bólimderinde, kúsh qurylymdarynyń bólimshelerinde áskerı boryshtaryn ótep júr.
Ázirlengen mektep ádistemesi balalar bes jasynan bastap Nomad MMA júıesi boıynsha jattyǵa alady.
Alǵashqy kezeń - dene tárbıesi-saýyqtyrý dep atalady, munda balanyń densaýlyǵyn nyǵaıtý, fızıologııalyq sapasyn testileý kózdelgen, sportpen aınalysýǵa qajetti qabiletterdi jetildiredi.
Ekinshi kezeń - oqytý-attestattaý, onda túrli jas sanatyndaǵy balalar jattyǵý protsesinde attestatsııalyq ekzamen tapsyryp, jarystyq kezeńge ótýge qajetti daǵdy men qabiletterdi meńgeredi.
Bapkerlik quram álemniń túrli elderinde jekpe-jektiń qyr-syryn úırenip, halyqaralyq tájirıbe jınaqtaıdy, sheberlik synyptaryna qatysady.
Óziniń 12 jyldyq damýynda Nomad MMA Qazaqstanda ǵana emes, shet memleketterde de jappaı sport túrine aınaldy. Qazirgi ýaqytta federatsııada 14 myńnan astam balalar men jasóspirim bar, olardyń arasynda 14 eldiń ókilderi bar.
Jyl saıyn «Azııa jekpe-jek sheberi», kýbok jáne álem chempıonaty sekildi iri halyqaralyq jarystar ótkiziledi.
Bes kúndik halyqaralyq semınar sońynda Nomad MMA federatsııasynyń tóreshi alqasy emtıhan tapsyrady.
