«Nomad» Kontınentaldy kýboktyń fınaldyq kezeńinde kimdermen oınaıdy

ASTANA. KAZINFORM – Astanalyq «Nomad» komandasynyń shaıbaly hokkeıden Kontınentaldy kýboktyń fınaldyq kezeńindegi qarsylastary anyqtaldy.

v
Foto: «Barys» hokkeı klýby

Qazaqstandyq komanda bul týrnırdiń ekinshi irikteý kezeńinde Italııanyń «Azıagosyn» 3:2, Rýmynııanyń «Korona Brashovyn» 5:2, Danııanyń «Herlev Iglzin» 3:0 esebimen qapy qaldyryp, D tobynda birinshi oryn aldy. 

Bul toptan úzdik úshtikten kóringen «Nomad», «Korona Brashov», «Herlev Iglz» fınaldyq kezeńge joldama aldy.

S tobynan mundaı múmkindikke «Rýan» (Frantsııa), «Katovıtse» (Polsha), «Belfast Djaıants» (Ulybrıtanııa) klýbtary ıe boldy.

«Nomad» komandasynyń quramy

Qaqpashylar: Vladıslav Nýrek, Artem Shestakov, Djohar Dýdarkıev.

Qorǵaýshylar: Artem Korolev, Rýslan Túsipbekov, Kırıll Nıkıtın, Aleksandr Makarov, Haqnazar Keńesbaı, Abylaıhan Súleımenov, Mádı Dıqanbek.

Shabýylshylar: Artýr Gross, Oleg Boıko, Nıkıta Sıtnıkov, Ádil Beısembaev, Nıkolaı Shýlga, Batyrlan Muratov, Nıkıta Merzlıkın, Abaı Mańǵysbaev, Aleksandr Mıgýnov, Danııl Tsybın, Asanalı Rýslanuly, Kırıll Panıýkov, Temirlan Kıtarov.

Fınaldyq kezeńdegi oıyndar 2027 jyldyń qańtar aıyna belgilengen. 

Aıta ketsek, bıyl qańtar aıynda Ulybrıtanııanyń Nottıngem qalasynda ótken shaıbaly hokkeıden Kontınentaldy kýbok oıyndaryna qazaqstandyq «Torpedo» (Óskemen) qatysty.

Týrnır qorytyndysy boıynsha «Torpedo» júldeli ekinshi oryndy ıelendi