«Nomad» Kontınentaldy kýbokta ekinshi jeńisine jetti

ASTANA. KAZINFORM – Astanalyq «Nomad» komandasynyń shaıbaly hokkeıden 2026 jylǵy Kontınentaldy kýboktyń ekinshi kezeńinde ekinshi márte jeńiske jetti.

«Nomad» Kontınentaldy kýbokta ekinshi jeńisine jetti
Foto: «Barys» hokkeı klýby

Qazaqstandyq komanda bul joly Rýmynııanyń «Korona Brashov» klýbymen kezdesti.

Komandalar alǵashqy kezeńde bir-bir shaıbadan almasty. Ekinshi kezeńde astanalyq komanda úsh shaıba soqsa, oǵan rýmynııalyq komanda bir golmen jaýap berdi. Sheshýshi kezeńde qazaqstandyq ujym taǵy bir márte kózge túsip, qorytyndy esepti belgiledi.

Nomad (Astana) - Korona (Brashov) 5:2 (1:1, 3:1, 1:0)

1:0 - Álibek (Shýlga, Muratov) - 07:02

1:1 - Ýelsh (Haaranen, Valharj) - 15:05

2:1 - Tsybın (Dıqanbek, Túsipbekov) - 22:31

3:1 - Sıtnıkov (Dıqanbek, Boıko) - 27:02

4:1 - Panıýkov (Merzlıkın) - 31:03

4:2 - Makoleı (Haaranen, Valharj) - 33:18

5:2 - Mıgýnov (Dıqanbek, Mańǵysbaev) - 44:27

Qaqpashylar: Nýrek - Adorıan

Osylaısha «Nomad» qarsylasynan 5:2 esebimen basym tústi.

Eki oıynnan keıin qazaqstandyq komanda alty upaımen D tobynda kósh basynda keledi. Olar budan buryn Italııanyń «Azıago» klýbyn 3:2 esebimen qapy qaldyrǵan edi.

Endi astanalyq klýb aldaǵy oıynyn Danııanyń «Herlev Iglz» klýbyna qarsy ótkizedi.

«Nomad» komandasynyń quramy

Qaqpashylar: Vladıslav Nýrek, Artem Shestakov, Djohar Dýdarkıev.

Qorǵaýshylar: Artem Korolev, Rýslan Túsipbekov, Kırıll Nıkıtın, Aleksandr Makarov, Haqnazar Keńesbaı, Abylaıhan Súleımenov, Mádı Dıqanbek.

Shabýylshylar: Artýr Gross, Oleg Boıko, Nıkıta Sıtnıkov, Ádil Beısembaev, Nıkolaı Shýlga, Batyrlan Muratov, Nıkıta Merzlıkın, Abaı Mańǵysbaev, Aleksandr Mıgýnov, Danııl Tsybın, Asanalı Rýslanuly, Kırıll Panıýkov, Temirlan Kıtarov.

Aıta ketsek, bıyl qańtar aıynda Ulybrıtanııanyń Nottıngem qalasynda ótken shaıbaly hokkeıden Kontınentaldy kýbok oıyndaryna qazaqstandyq «Torpedo» (Óskemen) qatysty. Týrnır qorytyndysy boıynsha «Torpedo» júldeli ekinshi oryndy ıelendi.