«Nomad» komandasy shaıbaly hokkeıden Qurlyq kýbogynyń fınalyna shyqty
Qazaqstandyq «Nomad» komandasynyń qatysýymen ótetin Qurlyqtyq kýboktyń fınalyna shyqty, dep habarlaıdy Kazinform.
Astanalyq ujym atalǵan týrnırdiń úshinshi týrynda Latvııanyń «Zemgale» komandasyn 4:1 esebimen súrindirdi. Olardyń qatarynan Nıkolaı Shýlga (eki gol), Dıas Gýseınov pen Maksım Mýsorov gol soqty.
Aıta ketsek, budan buryn astanalyq komanda týrnır barysynda Ulybrıtanııanyń «Kardıff Devılz» klýbynan 5:4, Frantsııanyń «Grenobl» komandasynan 2:0 esebimen basym tústi.
Endi Fedor Polışýktiń shákirtteri týrnırdiń fınaldyq satysyna joldama aldy. Jarystyń atalǵan satysy 2024 jyldyń 12-14 qańtar aralyǵynda ótedi.
Nomad (Astana, Qazaqstan) - Zemgale (Elgava, Latvııa) 4:1 (1:0, 2:0, 1:1)
1:0 - Shýlga (Shetle, Mýsorov) - 05:52 GB
2:0 - Gýseınov (Gatııatov, Tsarev) - 31:54
3:0 - Mýsorov (Shýlga) - 34:22
3:1 - Andersons (Krıshtıns, Krýmıns) - 49:31
4:1 - Shýlga (Ospanov, Mýsorov) - 50:42
Qaqpashylar: Boıarkın - Tsımermanıs (Baıarýns-Galeıs, 40:00 - 60:00).
Qurlyqtyq kýbok Halyqaralyq shaıbaly hokkeı federatsııasy aıasynda 1997 jyldan beri turaqty túrde ótkizilip keledi.
Qazirge deıin elimizdiń atynan qatysqan Kókshetaýdyń «Arlan» komandasy 2018/2019 jylǵy týrnırde bas júldeni jeńip aldy.
Ártúrli jyldarda «Beıbarys» (Atyraý), «Saryarqa» (Qaraǵandy), «Nomad» (Astana) ekinshi orynǵa jaıǵassa, «Qaztsınk-Torpedo» (Óskemen) qola júldeger atanǵan edi.
