«Nomad» hokkeı komandasynyń Qurlyqtyq kýboktaǵy oıyn kestesi belgili boldy

Qazaqstandyq «Nomad» komandasynyń qatysýymen ótetin Qurlyqtyq kýboktyń oıyn kestesi belgili boldy, dep habarlaıdy Kazinform.

Jarystyń fınaldyq satysynda elordalyq komanda «Kardıff Devılz» (Ýels), «Katovıtse» (Polsha) men «Hernıng Blıý Foks» (Danıı) klýbtarymen oınaıdy.

Oıyndar 2024 jyldyń 12-14 qańtar aralyǵynda bolady.

Oıyndardyń ótetin kúni men ýaqyty:

13 qańtar. 2:00
«Nomad» - «Kardıff»

13 qańtar. 21:00
«Hernıng Blıý Foks» - «Nomad»

14 qańtar. 21:00
«Nomad» - «Katovıtse».

Jarystyń fınaldyq satysy Ýels astanasy Kardıff qalasyndaǵy 3 myń jankúıerge arnalǵan «Vındıko» arenasynda ótkiziledi.

Aıta ketsek, «Nomad» óz tarıhynda ekinshi márte jarystyń atalǵan satysynda baq synaýǵa múmkindik alyp otyr.

Budan buryn qazaqstandyq komanda Latvııanyń «Zemgalesin» 4:1, Ýelstiń «Kardıff Devılzin» 5:4, Frantsııanyń «Grenoblin» 2:0 esebimen jeńip, E tobynda birinshi oryn aldy.

Qurlyqtyq kýbok Halyqaralyq shaıbaly hokkeı federatsııasy aıasynda 1997 jyldan beri turaqty túrde ótkizilip keledi.

Qazirge deıin elimizdiń atynan qatysqan Kókshetaýdyń «Arlan» komandasy 2018/2019 jylǵy týrnırde bas júldeni jeńip aldy.

Ártúrli jyldarda «Beıbarys» (Atyraý), «Saryarqa» (Qaraǵandy), «Nomad» (Astana) ekinshi orynǵa jaıǵassa, «Qaztsınk-Torpedo» (Óskemen) qola júldeger atanǵan edi.

Eske salsaq, budan buryn shaıbaly hokkeıden Álem chempıonatynda Qazaqstan jastar quramasynyń yqtımal qarsylastary anyqtaldy.