Nólinshi synyp oqýlyqtary birden latyn álipbıinde shyǵarylady

ASTANA. QazAqparat - Nólinshi synypqa arnalǵan oqýlyqtar birden latyn álipbıinde basyp shyǵarylatyn bolady. Bul týraly búgin Astanada halyqpen eseptik kezdesý ótkizgen QR Bilim jáne ǵylym mınıstri Erlan Saǵadıev aıtty, dep habarlaıdy QazAqparat tilshisi.

«Aǵymdaǵy jumysty aıtsaq, balabaqshalar sanyn kóbeıttik. Ásirese jekemenshik balabaqshalar kóptep ashyldy. Qazir balalardy balabaqshalarmen qamtý kórsetkishteri 90,5 paıyzǵa jetti. Bizdiń alǵashqy josparymyzda nólinshi synypty engizý 2019 jylǵa qoıylǵan. Búginde biryńǵaı baǵdarlamasy men muǵalimderdi daıyndaý kestesi daıyn, oqýlyqtar ekspertızaǵa jiberildi», - dedi mınıstr.

Osy oraıda ol endigi ýaqytta 400 myńǵa jýyq balaǵa nólinshi synyptyń jańa oqýlyqtaryn basyp shyǵarý qajettigin atap ótti.

«Latyn álipbıine kóshetin bolǵasyn, oqýlyqtardy birjola latynsha basqan jón dep sanaımyz. Bul qarajat jaǵynan da tıimdi. Sondyqtan nólinshi synypty engizý 2020 jylǵa latyn álipbıinde qoıylyp otyr», - dedi Erlan Saǵadıev.

Onyń atap ótýinshe, latynǵa kóshýge baılanysty 4 komıssııa jumys istep jatyr.

«Termınologııalyq jáne ádistimelik komıssııasyn Bilim mınıstrligi basqarady. Osy másele boıynsha qazir kóp jumystar jasap jatyrmyz. 2020 jylǵa deıin nólinshi synypty ashýǵa daıyn bolamyz»,  - dedi ol.