Nókis qalasynan Mańǵystaý oblysyna poıyz qatynaıtyn boldy

TAShKENT. KAZINFORM – 22 tamyzdan bastap Nókis qalasynan Mańǵystaý oblysyna temirjol qatynasy ashylady. Poıyz aptasyna úsh ret, shamamen 21 saǵat jol júredi.

Qaraqalpaqstannyń Nókis qalasynan Qazaqstannyń Mańǵystaý oblysyna jańa poıyzdar qatynaıtyn boldy, dep habarlaıdy «Ýztemırıýlıýlovchı» kompanııasynyń baspasóz qyzmeti.

22 tamyzdan bastap Mańǵystaýǵa tikeleı reıster bastalady. Poıyz Nókis qalasynan beısenbi, senbi, seısenbi kúnderi saǵat 20:16-da shyǵyp, Mańǵystaýǵa 17:14-te keledi. Bul baǵyt eki el arasyndaǵy týrızmdi damytýǵa úles qosady, dep kútilýde.

– Jolaýshylar endi Nókis vokzalynan Qazaqstannyń Mańǵystaý oblysyna bara alady. Mańǵystaý oblysy óziniń erekshe tabıǵatymen, baı tarıhymen jáne mádenı murasymen týrısterdi qyzyqtyrýda. Ol jerde týrıstik ınfraqurylym damyǵan. Jaıly qonaq úılerden bastap, ekotýrızmge deıin ártúrli attraktsıondar bar. Meıirimdi jáne qonaqjaı jergilikti turǵyndar týrısterdi aımaqtyń mádenıeti men dástúrimen tanystyrýǵa daıyn, – delingen habarlamada.

23 tamyzdan bastap Mańǵystaýdan juma, jeksenbi jáne sársenbi kúnderi saǵat 18:54-te poıyz attanady. Nókis qalasyna 15:22-de jetip barady.

Araqashyqtyq shamamen 21 saǵatty quraıdy (20 saǵat 58 mınýt).