«Nokia» kompanııasy «Android» platformasynda jasalǵan birinshi planshetin tanystyrdy
ASTANA. QazAqparat - Fınlıandııanyń búkil dúnıe júzine tanymal Nokia kompanııasy kópshilikke tanymal Android platformasynda jumys isteıtin alǵashqy planshetti tanystyrdy. Tanystyrylym «Slush» konferentsııasynyń aıasynda Helsınkıde ótti.
Planshet Nokia N1 degen ataýǵa ıe boldy, dep habarlady «Letnews». Ony resmı túrde kompanııanyń marketıng departamenti basshysy Sebastıan Nıýstrem tanystyrdy. «Bul Android-qa arnalǵan planshet, onyń alıýmınıı korpýsynyń qalyńdyǵy 6.9. mm. Ol óte jeńil - 300 gramm, ekranynyń kólemi - 7.9. dıýım,», - dedi Nıýstrem. Jańa planshettiń naryqtaǵy baǵasy 249 dollar.
