Nokia ataýyn ózgertpek
ASTANA. QazAqparat - Microsoft kompanııasyna tıesili Nokia mobıldi bólimshesiniń ataýy ózgertilmek, dep habarlaıdy Vesti.ru.
Buǵan qatysty resmı málimdeme jasalmaǵanymen, Microsoft kompanııasy seriktesterine aldyn ala eskertý hattaryn taratyp qoıǵan.
Fın mobıldik bólimshesiniń qazirgi ýaqyttaǵy resmı ataýy - Nokia Oyi. Kóp uzamaı endi fındik operatsııalar úshin Microsoft Mobile Oy degen ataý qoldanylady. Demek bul fındik kompanııanyń Microsoft korporatsııasynyń tolyqqandy múshesi bolǵanyn bildiredi.
Microsoft-tiń Nokia «mobıldi» bıznesin satyp alatyny týraly ótken jyldyń qyrkúıek aıynda jarııalanǵan bolatyn. Onyń quny 5,44 mıllıard evroǵa baǵalanǵan edi.
