Nokaýttan soń Danııar Eleýsinovtiń álemdik reıtıngtegi orny joǵarylady

ASTANA. QazAqparat - Keshe qazaqstandyq kásipqoı boksshy Danııar Eleýsinov jartylaı orta salmaqtaǵy tórtinshi jeńisine qol jetkizdi. Bul Danııardyń álemdik reıtıngte  birshama joǵary kóterilýine jol ashty, dep habarlaıdy QazAqparat Sports.kz-ke silteme jasap.

Eske sala keteıik, Bostondaǵy (AQSh) TD Garden arenasynda ótken boks keshinde jergilikti Mett Doertımen aıqasqan Eleýsinov birinshi raýndta-aq qarsylasyn tehnıkalyq nokaýtpen jeńgen bolatyn.

Bul jeńis boksshynyń BoxRec.com saıtynyń reıtınginde birshama joǵarylaýyna jaǵdaı jasady. 27 jastaǵy boksshy birden 39 saty kóterilip, 224-orynǵa shyqty.

Eleýsinov kelesi jekpe-jegin 24 qarasha kúni Monte-Karloda (Monako) ótkizedi. Qarsylasynyń esimi keıinirek habarlanady.