«Nokaýtshylardy» tuqyrtqan «Astana arlandary» jetinshi jeńiske jetti
ASTANA. 1 aqpan. QazAqparat - «Astana Arlans» dúnıejúzilik boks serııasynda qatarynan jetinshi ret jeńiske jetti. Búgin qazaqstandyq boksshylar «Los Angeles Knockouts» komandasyn 4:1 esebimen utty.
Eske salsaq, buǵan deıin «arlandar» amerıkalyq komandamen óz jerimizde kezdesip, 5:0 esebimen oısyrata utqan bolatyn. Búgin óz alańyndaǵy ótken kezdesý amerıkalyqtar úshin sátsiz boldy. Jekpe-jek bastalmaı jatyp-aq qarsylastary 61 keli jáne 85 keli salmaqtaǵy boksshylaryn shyǵara almaǵandyqtan, «arlandar» 2:0 esebimen alǵa shyqqan bolatyn. Oǵan sebep Samat Báshenovtyń qarsylasy Erık Faýlerdyń salmaǵy artyq ólshense, Los Angeles Knockouts komandasyndaǵy bosnııalyq legıoner Djemal Bosnıak AQSh-qa kelip úlgermegen syńaıly.
Al jekpe-jek barysynda «Astana Arlans» sheberi Habıbýlla Ismaıl-Ahýnov Braýlıo Sýaresti jáne Konstantın Snıgýr Ýılıam Ýılıamsty jeńdi. Ókinishke qaraı, Roman Kapıtonenko Ishtvan Bernadttan jeńilip qaldy.
Esterińizge sala keteıik, bıylǵy maýsymda «Astana arlandary» qarsylas shaq keltirmeı buzyp-jaryp keledi. 7 kezdesýde jeńiske jetken «arlandar» V tobynda kósh bastap tur.
